ثـــــواب عظيــــــــــــم في الجيــــــــــــــم لا يفــــــــــــــــوتك ......

بسم الله الرحمن الرحيـــــــــــم

فكره سهله التطبيق في الجيم لأخد ملايين الحسنات دون عناء او جهد

كلنا واحنا بنلعب حديد بنلعب مثلا 3 او 4 او 5 مجموعات كل مجموعه فيها مثلا من 8 الي 10 عدات وكلنا طبعا بنعد 1وبعدين 2 ثم 3 ثم4 وهكذاااااااااا
طب مادام انت كده كده بتعد طب ما تعد اذكار مكان الارقام
ازااااااااااااي؟؟؟؟؟؟؟؟؟؟

يعني بدل

1
2
3
4
5
6
7
8
9
10

تقول

1- سبحان الله
2- الحمد لله
3- الله اكبر
4- لا اله الا الله
5- سبحان الله وبحمده
6- سبحان الله العظيم
7- لا حول ولا قوه الا بالله العلي العظيم
8- اشهد ان لا اله الا الله
9- واشهد ان محمد رسول الله
10- استغفر الله

افضال الذكر

1و2و3و4 سبحان الله والحمد لله والله اكبر ولا اله الا الله : هي احب الكلمات الي الله.
5و6 سبحان الله وبحمده سبحان الله العظيم : كلمتان خفيفتان علي اللسان ثقيلتان في الميزان حبيبتان الي الرحمن.
7- لا حول ولا قوه الا بالله العلي العظيم : كنز من كنوز الجنه ومن قالها عشر مرات في اليوم ضمن مكانه في الجنه.
8و9 اشهد ان لا اله الا الله واشهد ان محمد رسول الله :لتجديد الايمان واكثر من قولها حتي تجعلها اخر كلماتك.
10- استغفر الله : ممحاه للذنوب وموسعه للرزق (من لزم الأستغفار جعل الله له من كل هم فرجاً ومن كل ضيق مخرجاً ورزقه من حيث لايحتسب).

تخيل حجم الثواب العظيم اللي انت حتاخده في العده الواحده
فلو فرضنا مثلا انك حتلعب 4 مجموعات كل مجموعه 10 عدات في 8 تمارين يبقي كل كلمه من دول حتتقال 32 مره وطبعا الناس اللي بتلعب عضلتين في اليوم حيبقي الاجر مضاعف كل كلمه حتتقال 64 مره تخيل بقي حجم الثواب وجبال الحسنات اللي حتحصل عليها ان شاء الله
يعني بالطريقه دي حتبقي ذكرت ربنا لو بتلعب عضله واحده 320 مره ولو بتلعب عضلتين يبقي ذكرت ربنا 640 مره يااااااااااااااااااااااااااااااه كل ده
فتكتب عند الله من الذاكريــــــــــــــن

والذاكرين الله كثيراً والذاكرات أعد الله لهم مغفرة وأجراً عظيماً ...

صحيح ممكن تلاقي صعوبه في الاول عشان تحفظ الكلمات دي بترتيبها مع الارقام لكن والله في اقل من اسبوع لو واظبت علي قولها سيعينك الله علي حفظها وحتبقي اسهلك بعد كده من الارقام
انا والله خلال 3 او 4 ايام حفظتهم وحفظت ترتيبهم ومع كل ذكر حفظت الرقم المقابل ليه في العدات ودلوقتي تلقائي بقيت اقولهم من غير تفكير وبقوا اسهل عندي من الارقام والله
ولسهوله الحفظ اتبع التقسيمه السابق ذكرها وهي :

سبحان الله والحمد لله والله اكبر ولا اله الا الله هم 1و 2 و 3 و 4
سبحان الله وبحمده سبحان الله العظيم هم 5 و 6
لا حول ولا قوه الا بالله العلي العظيم هي 7
اشهد ان لا اله الا الله واشهد ان محمد رسول الله هم 8 و 9 استغفر الله هي 10

ولزياده الاجر والثواب

خد النيه قبل ما تلعب حديد وعدد النوايا مثلا زي

1- انا بلعب حديد عشان يبقي جسمي شكله حلو فأكون مظهر جيد للمسلم الملتزم.
2-انا بلعب حديد عشان اقدر ادافع عن نفسي وعن اهلي وعن المسلمين.
3-انا بلعب حديد عشان جسدي وصحتي دول امانه لازم احافظ عليها.
4- انا بلعب حديد استنادا لكلام حبيبنا المصطفي صلي الله عليه وسلم لما امرنا بالرياضه .
5-انا بلعب حديد عشان لو فيه جهاد في سبيل الله اكون من القادرين علي الجهاد .
6- انا بلعب حديد عشان اقوي علي الصلاه وقيام اليل.
7- انا بلعب حديد لتأديه شكر الله من نعمه الصحه .
8- انا بلعب حديد حتي لا اضيع وقتي فيما يغضب الله .
9- انا بلعب حديد عشان انا لما بلعب حديد بذكرك يا رب .

وغيرها من النوايا اللي ممكن تاخدها قبل ما تلعب ساعتها وانت بتلعب حيبقي عداد من الحسنات بيعد عليك ده غير الاذكار اللي بتقولها وانت بتلعب
شوف بقي حجم الثواب اللي انت حتاخده اد ايه من غير اي مجهود او اي حاجه زياده
بدل ما كنت بلعب وخلاص بقيت العب واذكر ربنا واخد حسنات ويكتبني الله عنده من الذاكرين دون اي جهد او عناء
جربوها وقولولي رايكم فيها
يا ريت الكل يشارك ولو حتي برايه
وقولوا الفكره دي لكل اللي معاكم في الصاله لان الدال علي الخير كفاعله

اللهم اجعل هذا العمل خالصا لوجهك الكريم واجعلنه سببا في دخولنا جنه الفردوس ورضاك عنا

ارجوا من المشرفين التثبيت ولو لفتره حتي يتسني لاكبر عدد قرائته والاستفاده منه

سبحان الله وبحمده سبحان الله العظيم